酒價愈貴愈好 ? Yes and no 影響葡萄酒價的因素有很多，先講一下極端不合情理既。 1.炒作
供需姐，有人買就有人賣，升升跌跌，巿場最終會搵到佢既平衡(笑)。
某知名酒評家給予高分又或者某神經釀酒師點名讚揚酒莊，
酒價自然鯉躍龍門，升值以倍數計。
物以罕為貴，產量愈少，炒價愈高，葡萄酒是喝一瓶沒一瓶的東西，老年份的當然愈升愈高，當某些知名釀酒師不幸離開我們的話，酒價亦會坐火箭。
產量影響。氣候異常，必然影響農作物的收成，如產量少又或者質數不好，只能出產極少量的酒，酒價又是會暴升。
酒是消耗品，也是藝術品，更是投資產品。講到投資就有投機就有炒賣，
就睇資金流去邊啦(掩面)。 2.Marketing 所謂行銷，所謂品牌就是一種識別標誌、一種精神象徵、一種價值理念。 它讓你感覺良好，已經脫離了物質本身，什麼源料，怎麼製造，都不相干。 難道舉世知名的Lafite 真的會比酒友稱呼作超二級莊的Pichon Baron好上三四倍 ? 又，Petrus 可以比Lafite 好上十倍 ? DRC 又比Petrus好上十倍 ? 都不會，就是物以罕為貴，就是炒作，就是Marketing。 撇除這些心理因素，我地從根本既角度研究下。 3.地域 全世界咁多產區，一個國家既經濟水平同另一個國家一定有差別， 香港買間屋仔既錢係英國可以買間house連花園。地價就已經好唔同。
而同一國家內，地價都可以天差地別，葡萄酒係講「風土」既， 每個地塊(葡萄園)都唔同，如土壤、氣候、日照、經緯道等的差別， 這些綜合起來就成了葡萄的風味物質，有些可以種出超凡的葡萄，釀出絕世佳釀。 有些就註定只能平平無奇。 人工，生活水準不一樣，人工當然有差別，在美國請一個工人的錢，在非州可能可以請六個。 這最終亦會反映係酒價。 4.種植 品種會有影響啦，某D品種係迎合潮流既，自然賣到好價， 相反，逆潮流既就自然唔值錢。 種植密度，一公頃種萬二株定八千株，產量當然影響價格。 種植方法、如何管理葡萄園亦會影響成本最終影響價格。 5.釀製
機器採還是人手採。
篩選、控溫、過瀘等設備的價錢。
釀製的器皿、 方法、酵母菌種的價錢。
陳釀的器皿，如鋼桶還是木桶，新的還是舊的，法國的還是斯洛伐克的。
這些都會影響最終售價。
6.包裝 一個包裝有樽、有蓋(木塞)、有foil / 蠟。 當然唔少得既係Label，而呢部份可以好大差別，唔係印刷，而係設計。 John Huston畫既同我畫既就價差就如同地球與太陽既距離啦。 (珍貴既酒其實係酒標/foil上面都落好多防偽功夫，亦係一部份成本來源) 7.運輸 Well ,2020-2022年疫情期間，貨運價格相差是數倍是十數倍不等， 呢個相信大家都好有感，實在無需多言。 以上只係淺淺地俾大家一D概念，價錢不是反映質數的絕對指標。
而好唔好飲，岩自己口味既就係好飲。
關於酒價，有少少個人意見俾酒友參考。
其實係香港地，一般買到既酒都係"高級"架啦，起碼法規上係比較嚴僅既。
一般街鋪買零售價黎講，百頭既白酒、百尾既紅入得口架啦。
二三百蚊已經幾唔錯，四五百，好好架啦。
去到千頭，老實講，質素或是味覺感受已經好難再有突破。
我飲過D大師級，確係舉世無雙的作品，亦不過數千港元。
奉勸酒友們，不要迷戀價格。
酒沒有好不好，是人說它好不好。
世界很大，酒海無漄。
不如多嚐不同風格，多體驗世界更妙。
Cheers ~
Comments