講西餐點都會諗起粉嶺，偏偏聯和墟就係有一間。
餐廳名字Pezzi Bistro意思是精緻的小館子。為打破傳統意式餐廳及扒房的設計，Pezzi Bistro採用美國工業式Loft為設計風格， 運用了水泥及磚塊牆身帶出原始的工業感覺，綴以不同的重金屬、鋼材及鎢絲吊燈及藝術掛畫相，相當有格調。
【 點解會開係度呢?】 「呢度無丫嘛(無競爭有需求)，當時開既時候認為北區會發展，愈黎愈多人。 人就一定要食野架啦，做平既鬥餐飽，不如做好啲，做間有質素既餐廳。」 【點解開西餐呢?】 「鍾意食囉。細時鍾意食牛排。普遍對食西餐既觀念係慶祝呀、開心既事，咁所以想開一間自己覺得好既餐店。」 【轉餐牌】 「宜家D人鍾意輕食，以往牛扒大大件，Out左啦其實。」
「平左架。食材既運用同以往好唔同。以前係.......個食材靚就得啦，黎到就燒就煎。宜家Sell技巧，慢煮多，功夫多。」
【酒單】
有酒精，無酒精，各國紅白氣泡齊，餐前小酌、配餐或者餐後餘韻都配搭得到啦~
風味濃郁既GSM配肉味濃既炭燒澳洲140日穀飼牛肩扒，Yummy!
【大廚】
「主廚係外面D意大利餐廳集團做過華總囉，實力高架。相對年輕，眼光睇法會貼近時下一啲，對新煮法食法接受程度高啲，學習能力都高。」
食物質素固然重要啦，如果一成不變，再好味都會厭，不斷學習，貼近食客口味才是皇道。
【難忘事】
「好多既，客人包場求婚丫。客人變成朋友啦。自己學成好多囉，例如食材既選用，煮食既技巧，酒既知識啦。朋友黎食飯都開心格，自己開店困左係度，朋友黎搵你，幾開心。」
訪問期間聽左店主講好多次「開心」， 出黎食飯，除左食材廚藝，「氣氛」都係附加價值。 一個童年夢想開餐廳既老闆加上實力大廚， Pezzi Bistro 唔會令你失望。
FP : www.facebook.com/PezziBistro/ OpenRice 地址：新界 粉嶺 聯和墟 聯和道 1號地舖 訂座電話：2669 9166
Comments