疫情稍緩，難得酒友邀約，來個日本酒之夜，
雖清酒非我所愛，但身為一個酒(學)徒，總要多加嚐試，努力學習。
本以為輕鬆淺談，小弟年資淺，都係掹車邊聽下大家品評，
估唔到host認真準備，等小弟黎左個清酒入門班，感謝賜教。
Tasting note 都準備好，pro啊。
認真地玩全心去玩更好玩~
除左純飲，仲會嚐試food pairing，掂呀 !
先檬瓶感受，
最後揭盅再研討一番，正。 門外漢的Tasting Note，自己看了也不好意思我就先收好了。
倒不如說說這次體驗到有趣的事。
第一枝出羽櫻，薰酒，淡麗，果香為主帶點yeasty，
初嚐實在沒法拿捏準則，感覺一般。
事後大家討家研討一番，還是維持決定，就是一般，
以為是溫度的影響，誰知冰過後感覺更糟，
原來不是溫度的問題，而是!!!
原來佢係生酒，即係無經過加熱殺菌處理，
酒內也許還有存活的酵母，所以比一般的清酒更容易變(壞)。
其餘2-6都係好唔錯，
2號仔 出羽櫻 一路香氣出，餘韻長到癲。
而4號仔 雫香梅 純米大吟釀原酒，未經討論之下，
門外漢小弟實在俾唔出分數，Sake確唔係我杯酒，
有無嘩一聲咁好，又未到，但你話佢差，我又覺得質素應該係幾好，
換著係wine黎講就似係BUR 果種感覺，似有若無，總係係滿足與唔滿足之間。
揭盅一刻，大家都俾好高分，確係全場之最呀~
7號仔出羽櫻 山廢 特別純米酒，山廢係指利用漂浮在酒藏內空氣中的天然乳酸菌以及酵母菌，慢慢地進行發酵，係7枝入面風格最明顯不同。適合配搭重口食物，簡直可以當豉油用，餘韻也是非常長。
__________________
清酒小弟係無力品評既，出文旨在留個記憶同分享同酒友一齊飲酒研討既喜悅。
要學野/買酒搵返Ria
Sake Nommunication
https://www.facebook.com/sake.nommunication
____________________
夜已深，碗都洗好，大家都準備起程回家既時候， 酒鬼host講日本酒講到唔停，硬要一洗我地對日本wine既印象， 你盛意拳拳我又點好意思推你丫，有所進步?睇過~ Takahata Winery Chardonnay 2018 三隻杯，三種不同表現。 一杯係木桶水，一杯係粟米水， 一杯，果香豐富，一系列成熟、乾淨的黃色果實，最後一點木桶香襯托。 就是萬物無聲，在鄉下家中，在月下悠悠坐著的感覺。 本來一切都十分美好，郤敗在木桶的濃妝豔抹之下，可惜可惜。
說實在的，小弟對日本wine實在不大期望， 多次嚐試，都是香氣非常甜美，入口郤清淡如水。 我不敢說它品質不好，只是別樹一幟， 根本就不跟從世界主流，自有它的風格。
不管如何，從這瓶酒確實感受到很大潛能，
未來會怎樣走，還值得期待一番。
Cheers ~
Comments