1858年HIRAM WALKER 係美國底特律成立左佢既威士忌酒廠，當期時唔係叫CANADIAN CLUB，而係用番本名做LABELING，亦即係HIRAM WALKER。心水清既讀者一定會問，喂小編你介紹緊CANADIAN CLUB，間酒廠就係美國，佢係咪BOURBON呀，你係咪打錯左呀，無錯，你冇睇錯我亦冇打錯，佢真係加拿大威士忌。原因就係因為美國既禁酒運動，令到酒廠銷售量下滑，於就WALKER就決定將酒廠搬到加拿大既安大略省溫莎市。到左加拿大之後，佢就可以出口自家既威士忌，除此之外，佢仲開發左一個新小鎮 - WALKERVILLE。巴閉乎?連個鎮都用佢個名。
係禁酒令期間，酒廠最重要客戶之一竟然係黑幫 - 芝加哥Al Capone，通過從係溫莎經由底特律河依條水路走私左數千枝CANADIAN CLUB。
1899年，WALKER去世，佢將酒廠傳俾兒子。係當期時Walkers幾乎請晒成個Walkerville既人口，建造左警察同消防站，並且做埋城市建設，包括來去水系統同路燈系統。 1890年，加拿大政府承認WALKERVILLE係一個合法城鎮。係1935年併入溫莎。
WALKER WHISKY係19世紀後期非常之受美國同加拿大GENTLEMENT'S CLUB歡迎，後尾都係因為咁所以被稱為“CLUB WHISKY”。亦都係因為咁，受到美國一眾酒廠妒忌，要求WALKER WHISKY係LABEL上加入"加拿大"既字眼用黎區分佢地本土既威士忌，希望可以壓制WALKER WHISKY既銷售量，點知，大眾覺得更獨特，銷量不跌反增。
時到現在， Walker釀酒廠仍在WALKERVILLE生產。CANADIAN CLUB依家已經被BEAM SUNTORY收購，成為左旗下一部分。
加拿大威士忌以調和威士忌出名，通常會以連續蒸餾穀物威士忌（玉米與大小麥等）為主體(受美國影響)，然後再混合壺式蒸餾既裸麥威士忌陳年，特式係柔和清淡。
Comments