【活動回顧】25.02.2019 The Singleton of Glen Ord Sensorium

今次既主題:

「2 月 24 日至 3 月 3 日：威士忌與滷水食物和朱古力

滷水可令食材的原味提升，當配上威士忌能令食物中的油膩感大大減低，使食物味道 更易特顯。

威士忌配以朱古力的濃香綿滑，令口感更加豐富柔滑和香醇馥郁。以焦糖朱古力配

搭，微微的鹹香甜美會令蘇格登威士忌中的焦糖，雲尼拿風味，果乾香氣慢慢呈現。」

今次再一次踏入利苑三期既THE SINGLETON OF GLEN ORD SENSORIUM，心情更加興奮，除左又有靚酒飲之外，今次仲有野食~

<門外仲多左兩句由大師所寫既揮春，詩意十足，字體非常霸氣>

<Sensorium展櫃既酒比上次有更多款式，其中更有MORTLACH，會係WHISKY FESTIVAL 2019於香港公開發售>

七點半準時開始，有一位導賞大使帶我地「遊覽」GLEN ORD酒廠，介紹得非常清楚同有趣。

<導賞員介紹左酒廠既位置、不同設施同威士忌製作過程>

介紹左一陣，黎到我地既戲肉，當然係飲威同做FOOD PAIRING~

<Diageo 為小編們準備左一系列既滷水食物以配搭SINGLETON威士忌>

首先開始既就係SINGLETON 12，以紅粉飛飛作視覺主題，當然肯定係悉心安排。SINGLETON 12包含紅色水果既香氣: 蘋果、士多啤梨，視覺加上臭覺既享受果然更加唔一樣。之後導賞員帶我地配搭滷水豆腐，估唔到會帶出中和既效果。本來油膩既口感被威士忌一掃而空，變得異常清新。(本來小編認為威士忌配搭滷水應該唔會有好結果，點知大跌眼鏡，有驚喜~)

而SINGLETON 15，一杯幾輕身既酒，充滿住蘋果、啤梨同焦糖既香味，入口輕而柔順，帶有新鮮水果同少少既辛辣感覺，尾韻就係果香既延續同少少既肉桂。個人幾喜歡15年，兩個字 - 「清新」，令人有追酒飲既衝動~~配搭起滷水鵪鶉蛋，都會帶出中和既效果，主要令到蛋黃味變得清淡，更易入口。

到左SINGLETON 18，18年酒身較重，朱古力、拖肥、雲呢拿同肉桂都好凸出，係口腔入面揮之不散，更加要講既其實係FOOD PAIRING，以牛𦟌配搭可以話係全晚最精彩既一環，一口牛𦟌一口威士忌，將SINGLETON 18既拖肥、朱古力味提升幾十倍，整個口腔都係依種味道，非常之令人驚喜，一試再試。

成個EVENT約一個小時，冇冷場，安排得恰道好處，而且導賞員更加係最後請我地試多左唔同DIAGEO既酒款:

1. GLENKINCHIE AMONTILLADO CASK WOOD

2. CRAGGANMORE 12

3. TALISKER 18

4. TALISKER 10

個人都幾欣賞GLENKINCHIE AMONTILLADO CASK WOOD，青蘋果香氣，入口輕柔而後勁凌厲，一枝幾有風格既LOWLAND酒。

*聽導賞員話黎緊WHISKY FESTIVAL將會公布MORTLACH正式係香港發售，小編萬分期待~~

仲有幾日咋!快D去試下啦

活動登記:

http://viewincreative.com/wwwccc/