「呢枝好呀，呢枝拎金獎架。」
「呢枝好野呀，多個大賽都拎過銀獎/金獎。」
「呢枝拎過銅獎，都只係賣XX，性價比高。」
呢D說話，相信都聽唔少Sales講過勒，
之但係咁，金銀銅獎代表咩先?點解一個比賽有咁多金獎?
金，唔係得一個?
其實咁既，
每個比賽/評審都有自己既制度同準側，
通常D比賽/評審，都係由若干委員組成，
按照一D評分標準例如清晰度、香氣既濃度去盲品，然後俾出一個總分，
最後平均各委員既總分就係枝酒既得分勒。
當然，世界咁多個酒莊，咁多唔同既系列，咁多唔同年份。
肯定有無數多同分酒既出現，所以呢D比賽/評分通常都係分金、銀、銅獎，
達到一定既分數就拎到相符既「獎」。
係度我想提醒各位兩件事 :
葡萄酒最重要係岩自己口味，
如果你鍾意Dry既，俾枝金獎既Sweet Wine你都唔會覺得好飲。
枝酒如果贏就係贏在青草氣色濃厚而你剛好就係唔鍾意青草氣息，
金獎定鑽石獎都無意義啦。
金獎酒銀獎酒之間可能只係差0.5分，而你唔知果0.5分係贏係顏色定香氣定口感，
金銀銅獎既分別，對你黎講，真係重要指標?
獎項/分數，不可否定係反映左一定程度既酒質，
但如果唔了解酒既特質而單純論獎去斷定酒既好壞就在係本末倒置了。
「嗯，明白明白，咁一個獎就話唔準姐，拎好多個獎實好啦掛。」
「人黎，拖出去仗打五十!」
拎獎，係反映左一定程度既酒質，既然都係計分，A、B、C、D、E比賽只要準則都係用香氣口感呢類準側，出黎既比分當然大同小異，係A比賽可以拎到獎，係BCDE比賽拎獎又有咩奇呢? 重點仍然係，了解酒的本質，對不對自己的口味。
Cheers~
Comments